《「愛是無償」》

　我好開心可以喺「樂頌」渡過15 個年頭，最教自己深刻的就是「樂頌」好多人錫我兩個仔Jacob 同Jonathan ，真係睇住佢哋大，愛護照顧著佢哋！今天，「樂頌」這家人又繼續愛錫Yuki Jacob 的兩個小朋友Abi 同Dani，衷心多謝「樂頌」！

　香港這一年多，有人扶老攜幼舉家移民，遠走他鄉！聽回來的聲音是，有人落戶不多久就相信咗耶穌，有人得到遠方教會不同方面的幫助，例如租住地方、生活安頓事情等等，教會都係幫得就幫，都是在無償協助！

　我覺得教會最可愛的地方就是不計回報的付出—愛是無償！

　新聞話舉報熱線過去一年收到十幾廿萬個舉報拉你坐監的訊息；依家喺香港真係小心啲識朋友，今日可以好愛你，聽日舉報拉咗你—愛是無常！朋友，你誤會咗啦！我唔係愛你，只係咁啱在當時、地，人拼湊出來就同你好老友，好friend 的感覺，所以，當時、地，人組合的任何一個環節有所轉變時，世界已經不再一樣，世事無常，愛是無常就是常吧！