《「你是我的家人」》

　初一細佬Dani 入咗醫院成個幾禮拜，全家人擔心不已！最初住私家醫院，當然要早午晚三班輪流去醫院照顧Dani 啦，媽媽、嫲嫲，同姐姐3 人輪三班，梗係最辛苦啦！Dani 尋日轉咗去公立醫院，限探令下，每日只可以有一個人有一個小時的探病時間…原來，陪伴是辛苦，卻是幸福！

　3 歲半的初一，真係大個咗，唔同晒，每件事都有自己嘅睇法，指指點點，又呢又路；最危險就係初一不斷咁學大人講說話，大人就要事事慎言，否則，第日俾初一用啲激氣對話回應你！當然，成長得開心的小朋友，大個咗都會正面啲嘅，並且，佢哋都係由身邊的家人培育塑造出來的，這就是昨天的你我！

　社會𥚃，不同組合有著不同的稱呼，例如有兄弟、手足、伙記、o靚，馬…唯有教會係涵括晒兄弟姊妹、爸爸媽媽，以「家人」形容關係，我諗，教會𥚃面肯定唔係個個人都對你好，但係應該無人會害你；家人未必個個懂得表達愛去愛家人，但係所有表達必然不會是傷害！

　2021年，我多咗一啲家人，信仰上，有頴恆、Amy ，Yannis 同埋我老友華哥；當然仲有一眾今年出世嘅「樂頌」bb 啦，你哋無論是大人，還是小b ，都是我的家人！