《「奔跑不放棄」》

　星期一，我兩公婆走咗去「沙北」飲咖啡，淨飲，坐咗兩個鐘頭，之後去買餸夜晚煮飯；無論你是停下來抖抖一個鐘兩個鐘，「life must go on」生活還是要繼續下去！

　超過一年多的逆情、侷困，我們都被逼足不出戶，社會生態轉變，生活形式迴異，送貨送外賣變成理想職業—人工好，最緊要就係職業需要你出街，要呢度去嗰度去！

　初一弟弟Dani 出世以來就係學習被困，困喺屋企，困喺住嘅屋苑裡面，未能夠逃脫密室之前，就係同家姐初一每天練習著奔跑不放棄的活動吧了！奔跑者當然沒有放棄，放慢腳步者也是這樣的沒有放棄，只有停下來的人，只是走回頭者屬於放棄了！

　我23 歲開始自己住，跟住結婚，每一次搬進新居，我都會同自己講「希望可以一世住喺呢度」，30年來搬咗5 次…開始明白到不是一磚一瓦的不同，是呼吸的空氣的不同，我希望令自己的每一口呼吸有意義！