《「駕馭轉變」》

 　早個月從報章得悉，小弟由細食到大的鳳凰村知名燒臘舖轉手了！今日去鳳凰村食晏，見到食咗幾十年的茶餐廳鐡閘外貼出「...後會有期」通告！看到老店一一倒下，不禁令人神傷！

　這些地踎小店都是陪伴著我的成長，我又同Ruby 帶埋兩個仔Jacob、Jonathan去幫襯呢啲茶記，又試過同小組喺度開組食飯，我就係鍾意佢cheap、兜踎、地道，平民化；信仰就係親民、普及，大眾化！

　星期日，外母叫我轉交利是俾我家姐May ，其實我家姐都有啲神出鬼沒的，好難捉摸！我哋食完午餐去訂生日蛋糕俾外母，就喺店舖門外遇見May ，即刻轉交利是，任務完成！

　每逢月頭都要去銀行入數供樓，九龍灣間分行執咗，呢兩月都要特登到其他外區分行入數，早兩日就有老友約我星期二去黃埔飲茶，啱晒！

　半夜三更，電話響起，顯示Monica 來電，接起電話卻沒有回應，收線回電話給Monica ，卻未有接聽，唯有留言待覆...朝早起身收到Monica 回覆，佢話打機打到頭昏腦漲，唔知點解打咗電話俾我...

　世界在變，萬事萬物每時每刻也在轉變著，當你活著的一百幾十年裡，如果你介意人或事的轉變，你往往都會帶著憂戚；當你懂得總有帶領者，順著自己的生命而行，意外的轉變就更是隨你心意，成為驚喜極致！