《「係時候返教會啦！」》

 　限聚逆情攪足兩個多月，「樂頌」就停足咁耐！星期日晨早10點幾，電話響起，接到來者話想要返教會呀！噢！教會無開，無人。星期二晏晝，同一電話打嚟，又話想返敎會...應該佢星期日同今日都係上咗3 樓教會！

　呢兩個幾月，多謝晒一啲努力不懈嘅執事、組長，同埋組員間唔時網聯、電聯，又會約吓大家見面食飯，關懷與支持大家，滿是有心有力的，衷心感謝你哋每一位嘅具體行動！打從一個月前已經有人問我幾時可以返教會崇拜，每一次我都相信「今個禮拜就可以聚會啦」...是多少次的落空！

　今日聯絡個老友要送小禮物俾佢，諗住放低就走，老友回覆要同我一齊坐低飲杯嘢先啦！今個星期六終於可以崇拜，雖然只係可以4 個人食下午茶，只可以4 個人食晚飯，我仍然好珍惜同大家一齊坐低飲杯嘢嘅時間，多謝大家！

　「樂頌」在限聚逆情下唔可以崇拜聚會，但係，我哋仍然係教會。今天開始，你限我4 個人，我就4 個人食飯；你限住8 個人，我哋就8 個人食飯，開小組，「樂頌」仍然係教會！