《「就是每一天也有感恩的事情」》

 　打從3 月尾開始，政府因應肺炎情況而斷斷續續作出不同程度的限聚，促使教會朋友之間的距離似乎漸漸拉得遠遠的，而今天，更是持續了一個月的限聚令！

被困愁城，被困家中，會令人感到鬱悶...差唔多整整一個月都只是在自己家或天雋Jacob 家𥚃食晚飯，這鬱悶沒有令我感覺錯誤，雖然，這個月我完全失去了與「樂頌」大家晚餐的機會，但這仍是我夢未以求的恩典、幸福的生活！

　這幾個星期，晚餐都係兩個仔預備的英美意法日，加上小店外賣，真係七國咁正，全是心意之作；還有Jonathan 每個禮拜焗一次新鮮麵包，精彩早餐由Ruby 發板，中午就有三兩日約人出去飲茶，諗諗吓呢一日三餐真係超正！

最勁係上個禮拜六，晨早有兩個老友揾我，一個就留言比我，另一個又打電話又留言...原來電話較咗震機無聲，遇上星期六係自由醒嘅日子，我都係遲咗少少覆啫！重點係，第一個係約傾偈—啱晒我；第二個係有好嘢介紹—Yeah ！

　一家人、自己人，或是老友記一齊圍爐取暖，係恩典，係幸福；至於唔係好熟嘅朋友揾到，更加係特別非常，咁又點可以唔講句多謝呀！