《「又再和你一日三餐的日子」》

 　來到13周年這天，約好了家豪和Michael 下晝3點在教會運送物資到周年聚餐會場；約好Michael 加個早場做教會維修，殊不知無帶教會鎖匙，好彩有Vean ，可以揾Vean 借鎖匙，順便飲埋茶先至開工啦！如是者，造就了Michael 、穎天，Vean 同我去咗肥牛飲早茶。

　飲完茶，Vean 繼續佢嘅媽媽買餸工作，我哋就上教會開工，開工兩個鐘，收工放飯，平時星期六的奶茶咖啡下午茶變成午餐時間，又一餐...由教會運送物資到周年會場；「樂頌」13周年開始，詩歌、遊戲...今日第三餐同Michael 、穎天一齊啦！

12月，對於「樂頌」的每一個嚟講就是新的一年，重新開始，再次擁抱番一d好嘢！驀然回首，可以同Michael 、穎天一日三餐，原來，是幸福！

　星期五，為外母預備午餐及帶外母到西灣河Ruby 的大家姐屋企，10:45分，走過鳳凰邨的小公園，看到一個孤獨身影正在吃着麵包—家豪，你不會孤單一個！

仲有10日就到聖誕節啦！嘗試為每一個在路上遇到的朋友預備聖誕禮物，你會發現到豐富與幸福！