《「守護你所愛的人」》

 　廿幾年前，當Jacob 天雋、Jonathan 天湛大約一歲大的時候，我同Ruby 都會與他們玩信任遊戲，或是叫做信任訓練—同佢哋玩hide and seek 捉迷藏，其實係爸爸媽媽「呢埋」，試吓佢哋會有乜反應—就係無反應，繼續呆在原地，環顧四周，行前行後，當我們倆突然彈出嚟，佢哋都係無大反應，無嚇一跳，沒有放聲大哭尖叫，唔知係鎮定還是發呆...我就同Ruby 講「佢好有安全感，好相信爸爸媽媽一定在身邊」，就是自我安慰一番！

　記得有一年學校水運會，見到兩兄弟都好攪笑，Jonathan 在池畔曬太陽—唔記得落水比賽！晚上Jacob 就同我講，俾老師話佢離開座位，要記佢缺點小過之類，我火都嚟埋，我叫Jacob 同我約嗰個老師，等我講粗口鬧爆佢，點解要咁樣對待中七畢業學生...

　作為爸爸咁多年，都係後知後覺保護兒子，實在有愧！面對今天香港社會的各方角力，誠然有些人也不會、也不敢，也害怕表達與發聲者，這也是人之常情，正常不過的；但假如你是相信耶穌的，我想，連安全地違法表達自己，你也不會、也不敢，也害怕...我相信你已放棄上天賦予你自我自主嘅生命主權！某程度你的素質已經低於一個有靈的人！

　我相信每個人也在守護著你所愛的人；基督徒更是，可能會被打被拉—違法無罪！