《「遇見神—你懂的」》

　任何宗教信仰的人，總相信自己的神無處不在，看顧在旁，游走身邊，但有時候又覺得虛虚的，疑患疑真，似有若無，往往是摸不著、抓不到！

上星期三傍晚搭巴士去紅磡，飛咗站，車長話我知，繁忙時段唔停這個站，無奈地由理工大學行去目的地紅磡，一路行一路諗...凝住凝住，要讓我由3分鐘路程轉為13分鐘，這額外的路途上會遇到邊個呢？穿過理工大學，就在行人天橋上遇到了Sasa Allan，佢哋話約咗Edward 在天橋等，還未見，再聯絡，唔駛等，走得—巴士飛站為了遇見Sasa Allan；他倆約了Edward 在天橋原來是等我！

　星期日熱到死！兩公婆計劃好同外母食完晏就去會所游水，換好衫在泳池等Ruby，她卻整裝步入泳池—Ruby 帶齊了所有裝備，除了泳衣...唯有轉計劃，行街、跟住買餸，一路行，我就同Ruby 講番游唔到水要行街，梗係要遇到某個人；行完街買完餸，都無遇到人！開車前，外賣豆腐花去會所食，在會所就遇上了眼睛紅咗幾個月的鄰居，噓寒問候一番！

　星期三，下晝去揾小玉，喺樓下遇上Michael 同Stanley，佢哋啱啱去完Stanley 新居巡視，我正好投訴Michael 近排太忙已經好耐無飲茶，當然要嚟番個炸雞髀薯條凍檸茶啦！

　相遇在你我生活中好像是平常不過，率性隨心回應，使相遇變成神蹟，你懂的！