《「為何雨天總是晴」》

　早兩日在舊居大堂遇到廿幾年鄰居，笑說「你做傳教工作又幾好噃！成日咁得閒，人工又好，可以住到呢度」，首先好多謝呢位鄰居咁睇得起我...份人工！一方面，現今喺香港做傳道牧者係唔會捱窮捱餓嘅，但應該多數都係心中富貴囉！另外，我覺得關係不在於你人工多寡，係你攞嚟駛，還是擺喺銀行啫！

　有人問「為何浸禮總是晴天？」當然不是，記憶所及，「樂頌」這十幾年，廿幾次的戶外浸禮，是有一次下雨的，好像是在黃金海岸沙灘舉行的一次浸禮；結果是，「樂頌」的浸禮大多數是晴天，極少數是下雨天。

　浸禮日，送了一隻熊公仔俾生姐，結果，在享用午市自助餐的酒店，有職員送了該酒店的熊公仔俾初一；原來，人的付出是沒有損失，甚或是失去；當你覺得自己對別人好好，原來，別人對你更加好！

　有錢無錢、得到付出、晴天雨天，是信念、是心態，是真實狀況，總是帶點相互影響，都是你的選擇吧了！