《「感動身影」》

　Michael 星期三約了細妹妹夫，劈頭就是今天你們倆要相信耶穌了！細妹妹夫自然的首肯，Michael 繼而邀請他倆填上浸禮申請表，使他們明白浸禮的權利在自己手中。

　早幾日，同Sandy 去揾小玉。去到，我就坐喺度，Sandy 就企喺度，二話不說就開工，左按右摩，又擰又扭，見佢手起手落，實在令人感動！不禁令我都叫佢順便幫我按吓個頭，佢話可以令個人精神d ！

　萬樂豬小組時，有人轉述Irene 表姐的湊b 近況—奶奶突然身體不適，未能幫手湊b ，要緊急轉換湊b 安排，有人即時自動請纓頂番一天兩天，當然是長貧難顧啦！Karen Stanley 就即刻拜托朋友保留了一個外傭名額...不管Irene 表姐與亞John 的選擇或是安排，朋友都在這𥚃了！

　基督徒信仰，教會生活，就是每一天遇到的人物，毎日發生的事情，未必是詩歌、祈禱，讀聖經，但你會見到伙伴，你可以經驗到耶穌！