《「擠迫戶過聖誕」》

　今個星期六「樂頌」崇拜休息一天—冬至；中國人所謂「冬大過年」，當然，「樂頌」尊重兩者都咁大，會千叮萬囑大家要同屋企人團年！

　上年冬至，家庭由4人之家増加了Yuki ，今年冬至犀利囉！再添一員—甄寧(初一)，成為6口之家！冬至日，中午就是這6口戶的做冬飯，晚上，我們走到外婆家中做冬，似是回到從前那樣，十幾廿人走在一起食飯，非常熱鬧！

　這個12月實在是非常刺激！過完「樂頌」12周年無耐，Jacob 就提到住所裡一些地方有某些兒狀況，需要維修兩個星期，說時遲、那時快，今日講聽日開工，工程做到12月31日；如是者，我梗係強烈邀請Jacob 一家3口就暫時搬埋過嚟住兩個禮拜啦！

　當然，維修的決定快速到可能令Jacob Yuki 執唔切嘢，好多身理心理的不方便...一家6口可以住埋一齊，我諗我係最開心嗰個！實際生活中大家會有一點點㸃不方便，首先，細佬Jonathan首當其衝，Ruby 同我入侵了他的小天地，Jonathan 間房依家變成3人房；早上起床更加是超機動，每人自動自覺10分鐘內完成梳洗內務；另外，毎日要多留意家居清潔、多d吸麈；夜晚睇電視要將音量收細...

　謝謝Jacob Yuki 初一可以陪吓我住，多謝老婆、Jonathan 的豁達，可以大家一齊逼吓，對我來說，這是這個18年最好的聖誕禮物！