《「生命中成長與進步的迷思」》

   　近排政府推動填海造地題目，就連劉天王都為了撐填海工程而發聲支持，內容講緊全世界都在向前行的時候，香港如何自處？要向前行必須要有所取捨；另一邊廂，漁護處剛巧在電視播出守護大自然的宣傳影片，咁香港人應該點做呢？

　話說我好似係一個好「唔上心」嘅女婿，經常忽略天氣情況，睇吓外母需要，我覺得唔可以托詞「大頭蝦」囉！今個星期日同外母飲茶，今次我就醒目啦，帶齊3寶，食飯袋、風䄛同太陽眼鏡。原來我們留意一下自己，或是別人，在處理事情中有否連貫性處理？有無話頭醒尾？我認為呢啲都算係行為上的條件反射，呢d 都係一d 成長；你安排了小朋友上學，也得準備好校服鞋袜，這是你作爸爸媽媽的自然成長！

　咩係進步？與人競賽，同人鬥快囉！但原來人天生不是與人比賽鬥爭，我們只是順著自己自然地成長。信教者不需要為信仰而努力與勤力，信教者的成長，是你優勝的地方就開開心心享受這事情；所以，有人開心享受帶領敬拜，有人享受作樂手、司琴，有的是執事、組長，製作預備聖餐也好，做庶務執頭執尾的也好，每一個星期興高采烈與你食tea 食飯的也好...最緊要係開心、享受，這就是成長了！

　我經常掛在嘴邊，做人可以唔進步—唔駛同人鬥同人比，只是順著無可抗拒生命中的自然發生，不能阻止妨礙的成長就是最好的了！