《「好事，推我一把；衰嘢，掃我一把」》

   　星期六Sarah 問「點解Gideon 預告Sarah 媽媽信仰的事情沒有發生？」我做了一個比喻，我當晩飯後會同Ruby 搭機場巴士去機場，又唔識搭車，所以要聽Kenny 指示如何行去巴士站，要聽Karen 教我睇清楚巴士到站時間資料，直到我們倆成功上車才叫做安全；呢個比喻想講，每個人都有自己意見諗法，每個人都覺得自己最聰明，有些事情，嘗試放下身段，虛心求教，聽別人的意見行著第一步、第二步...上咗車就安全，便會到達終點！

　放完暑假，渡過了「好友營」福音營，正在期待著下一個行程—首爾旅行、中秋節，梓峰結婚...未竟，亞紳已經為我搬屋預備了，送來了50個紙箱連膠紙，多謝！

　據說搬屋是人生中最大壓力的第二項，我都覺得係！多次搬屋以來，今次真的明顯吃力，尙幸亞紳的這個快速動作就是正面、積極，及帶有能量的！

　有的時候，我們都是在錯配著，好的事情無人有反應，衰嘢就好多人予以同理心empathy ，應同感受，支持沉鬱喪志！教我們經常墮進五里迷宮，亂行一通，梗係唔通啦！

　你身邊的好朋友如何與你交流、分享生命？是支持你達成好事？還是對你的衰嘢給予無限同情、關心、感同身受，不如一齊沉淪！