《「歷史見證」》

早兩日同兩個老友傾計，吧啦吧啦吧啦...講講下，老友甲悲從中來感觸落淚，自覺近半年事事不順，黑氣蓋天！我便將他這半年「特別」的事如數家珍般娓娓道來，好心的老友乙立時搶著搭咀，「係呀！係呀！我好記得Gideon 18年前真係好勁㗎...」唔想再節錄老友乙所講嘅說話，聽到佢嘅引言「18年前」已經好想講粗口兼打鑊佢！

基督教人士好鍾意講見證，各門各派有著不同的教育與表達模式，分享「歷史見證」最為我難受！我相信活著的人，他的見證應該也是會每日每月更新，一些停留在某年某月時刻的，可能，是好大好大的事情吧！也許，他的活躍生命已停留在那一刻鐘！

上個禮拜去飲，有兩則笑話，大會司儀叫昌叔到台前映相，同枱小朋友隨即舉起他的隨身「手」鎗，大家都唔係好明佢攪乜？另一是，當大家食住最好味的頭盤乳豬時，看到小朋友完全提不起勁，他正期待著隆重晚宴中最好味的食物—义燒...係無嘅，我打趣的說「佢應該覺得今日擺酒d 餸好渣！」

見證是有地區性、時代性的，方可應對時代的需要；否則，鮑蔘翅肚也不及一味茶記义燒呢！