《「有錢有埞洗」》

　八國聯軍，二戰時期，中國飽受列強欺凌，上一代人多飽受逼害捱過苦！好多香港新生代也承襲著要死慳死抵，積穀防飢的心態，上一輩如是，新一代有d 都差無幾...

　未雨綢繆積穀防飢絕對是好事，我怕的是，我們已經不是為了下一代，仔仔女女的預備、籌謀，今天我們要建做更巨大的糧倉，沒完沒了，皆因我們墮進擔心孫仔孫女的未來世界，需要儲備更多，積存更豐！

　小弟自少就跟著爸爸揾食—上晝就飲茶，夜晚就宵夜！影響所及，依家有錢都係食咗先算，見到人，三句唔埋兩句就係「飲茶食飯啦」！爸爸媽媽家𥚃深刻的片段，就是當年由公屋搬去居屋，爸爸媽媽耗盡所有積蓄(其實無乜)，就是爸爸只「撈」都揾二叔公當埋，先至夠首期、裝修及傢私；另一件事情，就係俾人笑我哋戇居居搬去嗰度嗰度，乜乜物物，笑咗好幾年！

　家庭對孩子的塑造是十分重要的，你會看到我就是延續著飲茶食飯的生活；我可以為著達成一些事情而「洗」到乾乾淨淨，更重要是預咗俾人笑儍仔！我個人的信念，錢，洗咗就係錢，唔洗，就係數字；我就梗係崇尚洗d 真實的錢啦！但總有些人係努力儲存著銀行戶口𥚃的0 字！