《超額成功的福音營》

上個星期六、日剛渡過了「樂頌新學年2017福音營」，當然是超成功啦！

人數，超過了預訂的宿位人數，就正如負責人Kevin話齋「有好多水分」！例如，小學或以下者都有成10個；又有d人會甩底，負責人都幾難做，最後係額外訂多一間6人房，肯定人人有床位，負責人還拋下一句「睇吓有無神蹟」，是神蹟嘉賓……亞秀的媽媽及Kenny媽媽，這兩個媽媽也可以安心一同享受這個福音營！

團隊，原先安排星期六晚餐是BBQ燒嘢食，因著天雨關係而化整為零，以小組形式食飯。每個小組有基本的燒烤包，花生同學會小組的晚餐是，加上大量蔬菜及杯麵。UFO小組是西藏麻辣火鍋。萬樂豬小組就係pizza。好鄰舍小組則較為嚇人，將差不多20個大人，同埋10個小朋友擠進6人房用餐—證明咗營舍房間的客飯廳都幾大；話說佢哋去咗超級市場入貨，買咗10個福麵、8個烏冬、兩隻鷄脾、一隻鷄，各款薯片……貨量之驚人，唔駛再講啦！在這個掃慶的BBQ晚上，雖然各小組的晚餐有不同的種類及數量，但看到每個小組，每個組員都專心一致，通力合作，不吝惜不計較，每個人也開開心心完成了這一餐，「樂頌」在危機情況中，大家反倒得著更多，享受得更豐富！

個人，個別對是次福音營的反應又如何呢？因著無得燒嘢食，我老友Sharon同Rona可以由30人掃食房間，去到營業至零晨3點的K房；星期日出營飲茶時，Maggie同Karen主動同我傾吓福音營的可能性，大家一齊為下次福音營發夢；其間，還有恩熙走嚟問我下次福音營去邊度？我梗係唔知啦！執事們，又要準備啦！

福音營是甚麼？傳福音囉！傳福音又是甚麼？我諗睇上文嚟講，可以完成預期人數、團隊，個人等不同方面就已經是成功的福音營，超標超額……就應該係超人囉！