《給我最好的爸爸媽媽》

今年母親節，你給母親做了什麼行動？送她一支康乃馨、請媽媽去食大餐，加佢家用.....

1997年產物是「負資產」，2017年新產品係「父資產」，此一時彼一時，廿年間的爸爸形象迴異！講到㡳，俗語話「老竇留低大把」就梗係最好啦！老竇揾埋揾埋，剩落大把，啲仔女可以印印腳無憂米，呢d咪好爸爸好媽媽囉！

尋晚，有d鄰居為我慶祝生日，請我一家食飯；亞仔買咗個生日蛋糕送俾我，開心是，亞仔只係一心想買最好嘅蛋糕俾爸爸同爸爸慶祝，而唔會首先考慮價錢！

如何做最好的爸爸媽媽？老竇留低大把係咪就最好？有就梗係好啦！留低一份咁厚嘅心意，又實際又有用；留意是，爸爸媽媽無留下財富大宅又不等同不好！這是否一個平常的關係，就是你可以令仔女心裡常常有句説話「給我最好的爸爸媽媽」；當亞仔亞女係一個接收者時，他感受到爸爸媽媽的愛與關懷；當他成為付出者時，這全都在金錢以外，他是一個感恩的回報回饋！

上個禮拜六，我同Ruby同外母食完晏，Ruby送外母返屋企，順便買d菜買d麵包俾外母；結果同外母行咗半個鐘超市，買咗菜、麵包、肉、水果、生油，米......這一刻，兩母女逛超市，心裡有句説話「給我最好的媽媽」，你的就是最好的媽媽了！