《你出走我出命》

    今次同老婆去古巴墨西哥旅行，可稱為「退休之旅」。 一直以嚟，教育兩個仔，唔好將衣服或鞋子著到爛才丢掉，可能的話留給有需要的有緣人繼續善用這些物品；因此，每當我們去旅行，就總會蓄意留低一啲衣物鞋履—希望可以祝福一啲有緣人，退休係指d衫同鞋。

    今次同老婆的新年古巴墨西哥旅行，有著「樂頌」2017年「傳·因為愛」的使命—是旅行，也是佈道，將祝福留下！基本上，預計我倆帶去的短袖衫都會留低—應該每人有成10件，還有短䃿、拖鞋啦，波鞋等。

    去旅行呢家嘢，好聽就人夾人緣，亦都可以話係十個救火的少年—可以一齊去旅行嘅人會因應歲月而減少；年紀漸長，發覺後生嘅時候，係我揀人嚟鐘意，我揀人嚟愛；近幾年，發覺自己朋友愈來愈少，愛自己的人更是寥寥可數，可以容許我掹衫尾跟住去旅行者，漸漸只剩下老婆一人⋯

    話說過來，今年計劃了同老婆去兩次旅行，如果可行，十分期望可以延續上年的旅行計劃，可以同教會的朋友一齊旅行，將旅行化為傳道，一起留下足跡、笑容，佳美祝福腳蹤；盼望有一天你想去旅行時想起我，約埋我，我的答案一定係「你出走我出命」！