《讓我為你活一天》

有人問我今年有乜生日願望，我答「無啦」；今年的願望—同auntie去旅行，同後生仔去旅行，4月完成了南京《幾百歲旅行團》，還有現正籌備10月的釜山《百幾人旅行團》，如果有命嘅應該都可以達成嘅！係呀！即係我E + 生存唔係需要好大呼吸量……攤喺岸邊無游水嘅一條魚！

有d人覺得傳道人應該係每日無時無刻在傳教，例假都要懷住拯救城市嘅情懷，默默禱告，苦行戒食，善用珍惜每一分時間……其實，傳教不是一種行為、行動，或是說教，傳教是一種生活……每個信教的人每天也在傳教！

為個人為自己，今年頭5個月，人生豐富滿足，成年重有7個月流流長，做乜都係賺突獎賞啦！即係咁，你每日返工賺$10，$4交租、$3食飯，$1交通費，你頂多剩番$2，儲蓄都唔會令你發達啦，咁你會點樣利用呢$2—儲起佢……人生之苦又莫過於此—因循！

我從來都係d咁戇居無知者，幾十年後的今天才有少少醒覺，每日儲$2只是銅漏沙滴，真係把鬼，洗左好過！窮傳道甘於捱苦，拯救社群—苦命之信念；窮傳道有又唔旨在，無又唔爭在—保羅，看透世情，懂得處卑微享豐富！

俾我揀，我想做一個窮傳道—每天也豐豐富富，洗乾洗淨—無憾！