《打破自己的世界紀錄》

上個禮拜六，崇拜後再繼續未完的旅程，繼「西遊記」、「幾百歲旅行團」後，最後一章—「打破自己的世界紀錄」，到台北為老婆Ruby跑10k打氣。

4月9日崇拜後獨自去機場趕上台北的飛機，這是我咁大個仔頭一遭自己搭飛機，都真係好緊張！事前功夫，多謝老婆同姨甥女曉珊幫手打點；實上到飛機嘅，最大挑戰係由落機到埗一刻開始，就要與時間競賽—要趕上最後一班公車，並且加上智慧—如何使用數據咭？鬥力鬥智！

航班遲咗成個鐘才起飛，到達台北桃園機場已是零晨1時10分，正是尾班車的發車時間；如何？仍是要急急腳過海關，頭岳岳岳揾車站，除了的士外，只有去台北車站的公車，殺！到達台北車站轉乘的士，如此一來，只是用上50分鐘便去到民宿，終於抒一口氣，時為零晨2時30分；零晨5點30分，同老婆去到集合點，老婆為這10k跑顯得異常興奮，拍照後，老婆同老友Claudia出發，我就起步往中途站打氣—但我唔識路！結果，搭完車行咗半個鐘終於揾到……老婆笑住以1小時19分13秒完成賽事。

Ruby台北10k跑創下了自己的世界紀錄！至於我，為了這次10k跑，我成為「陪跑之霸」—陪老婆跑咗12次、我第一次自己一個搭飛機、第一次用電子登機證、自己揾車搭去民宿、自己揾路去比賽中途站……我，打破了自己的世界紀錄！