《三重愛》

我經常講「做人梗係可以貪心，也應該貪心」，以致間唔時有人問「如何分辨貪心與自私呢」？簡單嚟講，你俾得愈多代表你愈有，你貪來貪去都揾極唔夠，自覺不足，甚至乎自我形容為赤貧、見底乾塘者…此等的「貪」多為自私者；倒過來説，你好貪心但可以豁達分享，有親人、有朋友者…此貪心孟嘗君者卻受眾愛戴歡迎，又何樂而不為！

有人謂聖經中的十誡闡述出愛神、愛人的信念；也可以再仔細點，當你愛朋友、愛父母，便顯出你愛神，循而，你便是真懂得愛自己了—因為，你周遭的人都好愛你！

香港新一代多為一孩家庭，鮮有兄弟姊妹，當然表親也相應不多，平素多與電腦、手提電話為伍，試問，小朋如何在生活中實踐出愛與被愛，容易變成只是接收者，變成必然、單向接受的角色，培育出強化版的自我中心—我們評價為「自私」。

尚幸，小弟的兩個仔，內內外外加埋有成10個表兄弟姊妹，建構出較為豐富的互動群組，可以學習愛與被愛。做人如果可以有三五十知己，有三五十表親愛你，世界上仲邊有自私存在呢？