《天使在身邊》

上嗰排有件悲劇，話説一個擁有3碩士學位的年輕人抵不住工作的不穩定，自己結束了生命！自問屬於舊一輩人，思想有d老土，學歷又中中挺挺，不知幾羨慕人哋學庫五車，自己個仔有人哋咁聰明嘅話，我都會逼佢讀多ｄ書！

我常掛在咀邊「上天又好公道嘅」，意思係話人無論係聰明與普通、家住豪宅還是住廉租屋，揾錢多定少……結果係由當事人你自己話事、選擇的。你覺得人生滿希望，那怕是家境貧寒，窩居斗室，無錢無面，你仍可為自己創造一片天；相反，縱然是先天穩定，卻又妄自菲薄，甚或是怨天尤人，你便有機會成為絕望號乘客呢！

嘗試用這「絕望」的信念去踏上諺語「天無絕人之路」—肯定你可以找到出路。立體地説，認識自我的限制，你可以找到絕望的出路—藉著己力以外的力量，你可以勝過，可以跨越絕望！