《鍥而不捨洗衣機》

小弟教仔—人生但求三餐一宿，開開心心，如願足矣(可能好多人都係咁講)！

話說同個老友傾偈，講到亞世伯成日唔開心，唔知點好！重話個個月俾成萬蚊家用世伯，又唔會唔夠錢駛，都唔知為乜唔開心？謎底已經打開，世伯原來唔鍾意錢？我問老友「有無個個禮拜同世伯飲茶食飯呀」—一個月一次；「有無同世伯去旅行玩呀」—零。我老友係好仔一名，但爸爸期望關係，亞仔卻以金錢回應，當然溝通失誤啦！

上個月雄哥媽媽隻手做完手術，生活大小鎖事也不便，雄哥兩公婆輪流照顧，雄哥更晩晩煮飯俾亞媽食—呢d咪無錢既仔囉，但亞媽鍾意！咩世界？原來，有d錢可以成為衰仔，無錢反而成為好仔。

上個星期個洗衣機壞左，姐夫義不容辭，落機即刻上黎為洗衣機作全身檢查，結論係「咁咁咁，但我未整過，不如等我試整」，嘗試叫姐夫放棄，佢又話試試也無妨……買了材質，整左幾個鐘，還是差少少，再試試，似模似樣，當ok啦！成個過程，用左搵師傅整的三分二價錢買材質，時間用了六七個鐘，還要戰戰兢兢，明顯不化算；但卻經驗到因為關係而享受到別人為你鍥而不捨、為自己堅持的運動，這運動比所有的計算更上算！