《莫欺少年蟲》

早個禮拜崇拜，分享時段，坐在父母中間的雪瑩竟舉起手示意分享，問問她係咪有分享，小女孩答得清楚肯定「係」，全場嘩然！雪瑩與大家分享復活節與家人返咗內地旅行，很開心；聽到6歲一年班的小朋友樂於與眾分享—我最開心！

    有些朋友奇怪「樂頌」的鬆散自由，崇拜時竟容許小朋友嘈喧巴閉，走來走去……倒過來説，為甚麼崇拜時，要活力充沛的小朋友坐定定喺度、得正正喺度，唱聖詩、聽聖經，背聖經……主日要成為第七天課堂呢？

諺語謂「寧欺白鬚公，莫欺少年窮」，白鬚公有的是立體化的生命經驗，少年則擁有青春拍力，足以承受挫敗，可以鍥而不捨，夠膽挑戰規範，走在前輩後面卻能夠活出自我特色，彰顯出立體化生命的更豐富色彩。

一望「樂頌」，有人會覺得我哋俾了最少的基督教教育小朋友；我會描繪「樂頌」給予小朋友最闊的基督教教育—我哋一班信耶穌的人，都係凝住凝住，我哋都係藉著標記(sign)印證(confirmation)引導帶領，結果，一步一步地達成期望、目標。

有一天，你會愛上見到6歲的小妹妹坐席崇拜，然後走到台前與你分享的時刻。