《弱者強人》

恭喜恭喜！Kevin珊珊誕下麟兒，上年兩人搬屋供樓，踏上新挑戰，新壓力；今天，小Kevin出世，他倆進入人生另一階段，又一新任務！

小Kevin未有要求，爸爸已預備了暖風機—兩部，交錯替補，以免凍親小b；轉個頭，買下抽濕機迎接回南天……小Kevin未及兩星期人仔，牙牙待哺，遑論表達期望需要，既脆弱也無能力可言！他卻可以呼風喚雨，差遣左右—父母，更能夠令長輩來朝。

自己源生於平凡無錢的60年代，大部分香港人都無乜錢，但卻建構了我「做人最好係窮窮哋」的信念。假如我好有錢—我難以對別人經濟困難中有著同理心(empathy)；如果我係有D錢—我會有危機感，容易墮入「覺得唔夠」的危機；唯有我係窮窮哋—要維持努力、持續返工才足夠，自不然好好學習金錢管理，善用所有，並且更體會貧窮者，更樂於與人分享—有又唔旨在，無又唔爭在！

我相信世界無公平公義，我更相信耶穌的公平智慧。

當你擁有公平智慧，你唔會妄自菲薄，你可以將你的有限化為無限；單車可以變摩托，弱者可以是強人！