《為每一天自豪》

抑鬱症者的常見邏輯是衰同更衰之比較，永遠我係最窮嗰個，我不被愛……聽落大家都不其然自覺有D抑鬱，都市人都係有D抑鬱，正常嘅！

請留意，假若你慣常的表達模式是簡接或曲線者，你常是不安全或較為自我保護；愈不安就愈保護，愈保護就愈拒絕，就愈拒絕就愈孤單！但又唔駛咁驚，都話都市人都係有D抑鬱，正常嘅！做少少修正練習便成，首先，與人對話，避免用「唔係」行頭；其次，避免「負負得正」的句子；最後，係「舉一反三」，講咗一句臭嘅或者一句衰嘅，講番三句好嘢平衡吓。

假如你係直接敘述者，你已屬於健康的群體；相反，看倌若可以多作上文之練習，小弟夠膽誇下海口，三個月內，你必人見人愛，車見車載……理得別人點樣睇自己，最緊要係我為我自豪！