《懂得生活、懂得愛》

6月尾，Allan幫我用咗半日搜尋，老婆同我用咗15分鐘了解，Portia用咗5分鐘決定，Portia同我哋一齊買「三叔」電視，Allan幫我哋訂；28號訂貨，29號送貨—6月送貨的客人可以獲得$1,000超級市場現金券(6月30日星期日唔送貨)。呢兩年，Allan大大話話幫身邊老友訂咗超過10部電視，又無著數，何解？

有D人話我好鍾意買樓，又好鍾意叫人買樓；我認為樓宇首要是個人與家庭的基本居住需要，而非升值賺錢題目。所謂「己所不欲，勿施於人」，相反，有好見解、有好嘢，當然希望與人分享，與眾同樂！

每個人也是以自我的生活模式去愛人。你享受著3D高清電視，你也期望老友享受價廉物美的電視；你有經濟能力置業，也自不然關心身邊友伴，協助其權衡利弊需要，評估經濟能力，是私家樓、公屋居屋已不打緊；再簡單不過，鄰居街坊見到邊度蘋果橙抵買，見到邊檔邊檔鮮魚菜芯靚，總是如數家珍般，毫不吝嗇。

循而，在相互互動的社會體系中，當你懂得生活時—你懂得愛！