《天天快樂》

禮拜六返教會途中遇見Kenny Vean一家，棠棠著住紅色剔牌嘅新衫，襯埋新嘅紅色BB車—醒！上到教會，見到剪了髮，一新耳目的家豪，同時見到Fion組長及一眾組員，正在預備聖餐餅，預備嘅預備，打氣嘅打氣—美麗團隊精神的圖片！

Tea完返上教會，見到專程返崇拜及填寫浸禮申請表的表弟亞星(他在晚上工作)，好表哥Gordon當然支持在旁！Irene表姐六點三就返到教會，話要早D到，幫Rodney表弟霸位咁話，未聽過有人用呢個原因早九個字返到教會—正！如果個個人係咁，真係唔駛傳都大把人信耶穌！

重有重有，冇見幾個禮拜，學堯高咗，個樣又大個仔咗；Jonathan著咗條新褲返嚟……原來好多人都係好鄭重、好專誠返教會，只不過係你同我唔係好留意身邊的每一個「他」—為你我守護，容你我愛護！

Gideon相信信耶穌的人係好開心嘅，「樂頌」祈望每個人都開開心心，開心原來係好簡單，可以見到你鐘意嘅人，著咗新衫、新褲、剪咗頭髮、同你一齊下午茶，崇拜專登坐你隔籬……唔係一個，係兩個、三個、五個，好多個！