《與眾樂》

搬屋滿月，謝謝各大小組皆已到訪吾謂「溫暖之家」—細咗！謝謝大家不咎小弟的一頓街坊飯或小小的tea(下午茶)，讓我嘗嘗缺乏中的感恩！

搬嚟無耐，Jacob就問可唔可以車埋亞邊個邊個同學，梗係可以啦！如是者，每朝早車「校巴」乘客4位。平時，因為乘客不足，所以多數星期六至揸車返教會，搬屋以後，乘客量飆升，尋晚，小組飯後，Allan就打趣同人講「搭邨巴返屋企」；依家星期二、星期三晚上小組也會揸車返教會，又坐滿一車返屋企。

重有，就係晚上的Orange Party(水果派對)，晚晚揻足十個八個；過多兩個禮拜，水果贊助商簡生兩公婆搬埋嚟，隨時晚晚開雜果派對！

好應同哥頓諺語「有又唔旨在，無就唔爭在」，做人又何需斤斤計較，架車兩個人又係咁坐，六兩個人就更抵坐；一家人食幾個橙就十蚊八蚊，換來滿室鄰居，良朋共享，也只不過十零廿蚊，化算！至緊要，你又得到提升心裡的歡愉—這才是「發咗」，可以駛極都有，才是擁有無盡的財富！