《小禮品大作戰》

上屋搬下屋，方發覺自己係收藏家，立立雜雜，林林總總，乜鬼都有，恐怖在，為亞仔永留一刻的即影即有相機—兩部(一部新嘅)、乜乜物物同款兩件，就連華理克牧師Rick Warren的《直奔標干》同樣係兩本……嚇死！

「嫡」起心肝清貨，無他嘅，蓋因新居溫暖多了—細咗，儲物空間相比故居更低於一半，因此，老婆狠心丟棄十多袋新衫，當然，其他雜項亦難逃與垃圾袋為終極之所！

搬屋梗係求「家宅」，有人就拜吓四角、有人就祈吓禱，有人就灑吓聖水……我就醒嘞，首先，開放屋企開小組—拉耶穌落水；其次就係邀請每個小組今個月上嚟新居祝福我哋一家。但又總不能待漫客人，遂泛起新居「迎新禮品」之念頭，就是每位客人均要攞一件小禮品和一本見證集，既可以作留念，又可互勉祝福，雙重好處！

循而，今次搬屋的經驗，教我明白到祝福是必需要流轉，當你愈吝嗇，可能你因此而擁有多了，不過可能只是重覆又重覆的東西，多卻不豐富；相反，當你愈慷慨，少也幸福！