《不如意的人生》

「人生不如意事，十常八九」，呢期我就諸事不順，不如意十足十！

早個禮拜，仲連中三元。首先，小弟打算搬屋，一直期望某大廈的C單位，只可惜天不從人願，遇上鐵價不二的C單位業主，無緣與C單位結緣，取而代之是同樣格局的F單位，滿心不忿，「點解唔俾C與F我揀？I have no choice……」；早日手痕上綢玩網上樓宇估價，叫我吃一驚是，F單位的估價是高過C單位10萬的？我一直覺得C單位好D，但在商業價值底下—我錯了！

過兩日，同老婆、細仔(Jonathan)去再睇吓新居，又再有D唔如意的心情浮現，老婆就想繼續用返瞓開的4呎床褥，殊不知新居張床架係5呎濶，要另外買過張5呎床褥(至少要$6,000)，嘥錢！

第日收到旅行社來電，告知「唔成團」，小打擊、大挫敗，竟然出發前一個禮拜至話「唔成團」，激死！即刻打去康X旅行社—4個鐘頭至覆；揾新X旅行社—八月無團；再打美麗X旅行社—有超值團及豪華團選擇，梗係揀貴嗰團啦！因為團費較原先「唔成團」平上$800，重由三星酒店變四星酒店，慳咗成半張床褥番嚟，勁！

接連的不如意事情，會令你心情不爽，叫你情緒低落，使你負負得負—當你執著時，當你定意自我主意最佳最好時；有一天，當你放下執著，你得看見在「不如意」的背後，有著未嘗經驗的智慧！