《A Touching Scene「一句感動的說話」》

上星期三，同Monica、Nicold飲茶；跟住去青衣探望一對多年無見的世伯、伯母；到訪只因得聞世伯抱病，目的不外乎探望關心，噓寒問暖一番！

Monica帶隊上到樓層，頭愕愕，兩頭望，話唔記得門牌號碼？卻又離遠望向對面門口掛著十字架的一户「咪嗰間囉」—咁都俾佢揾到！伯母甫開門，打個照面，即報以滿臉笑容回應「好耐無見啦」，惹來我一臉歉疚(甚至無我都遺忘曾見過面，食過飯)；見門口掛上十字架，屋內又掛著十字架，世伯伯母異口同聲地道「我哋信咗耶穌好耐啦」，聽罷心感恩惠，但講極都講唔到返荃灣邊間教會，「荊冕堂呀嘛」—Nicold答嗲，她成為當日特定小天使！What amazying！神奇！

隨之而來是躺著世伯的一句「我想洗禮好耐啦！但無人同我洗」，Monica答著「呢度有水咪可以洗啦」……叫世伯伯母約埋兒孫，我們會再拜訪，為他倆作灑水禮—受洗歸入耶穌基督！

禮拜日，Monica、Nicold、新哥、Connie、Katherine，Winnie與我一行7人帶著洗禮禮物、「樂頌」洗禮Tee和花束作賀，為世伯伯母完成了簡單而隆重，又滿載恩典的灑水禮；還有未完的事—我們會為他倆的洗禮設宴慶祝，大快朵頤，共享感恩快樂！