《啱啱好7人枱》

日本9級地震引發海嘯，看著海浪吞噬了人、車、船隻，房屋……震懾人心，更噬著每顆倖存者的心坎！

一個浪衝埋嚟，成担幾兩担「負能量」兜口兜面冚埋嚟，無得避、擋唔住，Gideon唔知可以講咩安慰大家……

禮拜日，跟埋小組去打攪安琪(「少年暈低」)新居，佢叻到呢—同媽媽決志，帶領媽媽祈禱；一祈完禱，一行7人就去下午茶慶祝，去咗間有奶茶咖啡嘅酒樓坐低，大枱一張，坐得舒適，樓面重噓噓聲開埋電視招呼，但唔知點解講極奶茶咖啡下午茶，佢都係攞張蝦餃燒賣魚翅餃俾我，唯有老老土土地「閃」！

去咗第二間兜踎茶餐廳，細間到呢—卡位就坐4個，小圓枱都係坐4個；企喺門口，我猶疑入唔入去好，樓面亞哥醒字派喊著「啱啱好7人枱」，心諗，梗係砌兩張圓枱俾我哋—都係一張小圓枱……6個係無可能，5個都好勉強，結果係「啱啱好7人枱」；食物在交錯、飲品在交錯，關係就在這擠逼小圓枱交錯搭建著。

人既已是存活之軀，與其憂心終日，怨天尤人，何不享受今天，發揮能力。正能量在你心裡，這是你的自我選擇，是擁有、傳遞，拓送，或遠或近，在你手上。